Veur vieftiende moal holdt gemainte Loppersom zien Grunneger Schriefwedstried. In aander gemainten wordt dizze schriefwedstried organiseerd deur biebeltaiken, mor in gemainte Loppersom dut gemainte t zulf. Tredietsie ja. En omreden t is daarde lustrum pakt gemainte nog meer oet as aans.

Ie maggen zulf waiten woar ie over schrieven willen. Hieronder staait t reglement zodat ie veur ale wizzeghaid noagoan kinnen hou of boudel in zien waark gaait. Dailnemers mouten oet gemainte Loppersom kommen, mor ook leerlingen dij in gemainte Loppersom noar schoul goan en nait in gemainte wonen, maggen mitdoun.

Priesoetlangen is 18 meert 2010 en de Lopster winnoars doun doarnoa vanzulf mit aan Pervinzioale Schriefwedstried dij organiseerd wordt deur Stichting Grunneger Toal, Huis van de Groninger Cultuur en Biblionet Groningen.

‘Spellingwijzer’ veur t schrieven van teksten in t Grunnegs

Veur de schriefwedstried is n spellenwiezer moakt mit doarin veurnoamste spellenregels van t Grunnegs. As ie op t woord Spellenwiezer klikken komen ie doar votdoadelk terecht. Veul plezaaier mit t schrieven!

Inzendens mouten veur 8 feberwoarie 2010 in t bezit wezen van gemainte Loppersom.

Veur t Wedstriedreglement klikken ie hier 

KINST TOCH OOK GRUNNEGS SCHRIEVEN OF NAIT DIN?  DOU DIN MIT!